Supply minister-in hnatlang driver tangkhang hnenah pe

Supply minister-in hnatlang
driver tangkhang hnenah pe
FCS&CA minister B Lalchhanzova leh MLA dangte chuan Nilaini khan Kawnpui – Sairang NH 06 siamthat mek an tlawh a. Kawng siamtute puia YMA branch hnatlang hnenah leh driver tangkhangte hnenah thilpek a hlan.
Minister hi kawng chhiat zual na lai deuhah ding zelin hnathawh a en a, thawktute chu theihtawp an chhuahnaah lawmthu hrilhin furpui laia kawng an siam mawlh mawlh chu fakawm an tih thu a sawi.
Thawktuten harsatna an tawhte a ngaithla a. Kawng siama hnatlang YMA branch hrang hrang – Sairang, Mualkhang, Khamrang, Mualvum leh Bualpui Branch hnenah sawrkarin hnatlang a puihna sumfai a hlan a. Driver tangkhangte chhawmdawlna atan sawrkarin ration package a siam pawh Sub Hrqs YMA Kolasib kaltlanga sem zelin, Kawnpuiah mi engemawzat hnenah a hlan a ni.
Driver tangkhang ration package – buhfai, dal, alu, tel leh purunsen pek hi mi 492 an ni.
Lirthei liana ei zawng – Fak Hlawh Lo Val Rual leh pawl dang hruaituten kawng siam mek chu Nilaini hian an endik bawk a. Minister nen hian a theih leh remna apiangah enin an sawiho a ni.