Supreme Court-in IMA President hau nâ

Supreme Court chuan yoga Guru Ramdev leh a thawhpui Balkrishna leh Patanjali Ayurved Ltd tena misleading advertisement case a thutlukna a siam tur chu a tikhawtlai rih.
Bench of Justices Hima Kohli leh Ahsanuddin Amanullah te chuan Patanjali aiawh ding counsel te chuan Patanjali product advertisement chungchanga hmalakna an neihah affidavit file turin hun pek belh an ngen a. Bench chuan kar thum chhunga affidavit chu theh lut hman turin a ti ta a ni. Hei vang hian court chuan thutlukna a siam zui ta rih lo a ni.
Hearing neihnaah Indian Medical Association (IMA) president R.V. Asokan chuan tun hnaia PTI tena an interview naa Patanjali Ayurved misleading advertisement case a Court a sawiselnaah ngaihdam a dil bawk a.
Supreme Court chuan na taka Indian Medical Association (IMA) president chu hauin court chu freedom of speech humhim tu hmasa ber a nih rualin ‘insumkar neih hun hi a awm chang a awm a ni’ tiin a sawi.
IMA president Dr RV Asokan chuan interview a neihnaah court ruling a sawi danah Supreme Court a lawmlo hle a. He thubuaiah hian IMA chu petitioner a ni nghe nghe a ni.
Bench of Justice Himan Kohli leh Justice A Amanullah te chuan, “Mawhphurhna la a indinchan kan beisei zawk a. Court laka in lungawilohna te press ah in aupui ngawt thei lo. Eng vanga in lungawi lohna hrithla ngawt nge in nih?” tiin an sawi a.
Asokan chuan ngaihdam a dil a. Justice Kohli chuan, “Statement pawi tak in sawi hnuah kan ngaidam dawn che em ka hre lo, nangmah hi a nia he thil hi court-a thlen zawk chu ni, min dah hniam i ti a, nangmah test in i awm a…?” tiin a sawi.
Court chuan Asokan an affidavit a siamah chuan an lungawilo a ti bawk a. Eng vangin nge mipuiah ngaihdam dilna a siam loh a ti bawk a. “Engkim black and white a ziah vek tawh a ni a, pawi i ti takzet a nih chuan engvangin nge thawi dam nana hma i lak loh? Interview hnuah i him theih nan engtiangin nge hma i lak, min hrilh rawh” tiin court chuan a sawi bawk a.
“Freedom of speech tungdingtu hmasa kan ni a. Mahse, tum tam tak chu mahni inthunun a ngai. IMA president i nih angin i inthunun tur a ni a. Chu chu i interview neihnaah kan hmu lo,” tiin justice Kohli chuan a sawi bawk a.
“Dr Asokan he ram khua leh tui tho hi i ni. Judge ten sawiselna tam tak an tawk a, mahse, an chhang let ngai lo. A chhan chu ego kan nei lo va, zahngai thei kan ni. Action la thei kan ni a, kan tikhat khawp thung” tiin Justice Amanullah chuan a sawi bawk.
“|hutthlengah thuin court chungchang i duh dan danin i sawi ngawt thei lo. Lehlamin sawi nei ve se engtin nge i tih ang. Court-ah i rawn khing duh ngei ang,” a ti bawk a. Supreme Court chuan IMA president in court a affidavit thehluh chuan a hneh loh thu sawiin ‘A tlai lutuk tawh’ a ti bawk.