Supreme Court-in Kejriwal interim bail a pe

Supreme Court chuan July 12 khan Delhi Chief Minister Arvind Kejriwal chu Delhi excise policy case nena inzawmna neia puh money laundering charges-ah interim bail a pe a. Mahse, court chuan Kejriwal chu amah puhna nasa tak awm mek karah CM atanga a ban leh ban loh turah thutlukna siam turin a ti.
Bench of Justices Sanjiv Khanna leh Dipankar Datta te chuan Kejriwal chuan office of influence leh constitutional importance a luah mek a ni an ti a.
Court chuan elected leader chu ‘functional’ Chief Minister office atanga bang turin a ti nghawt thei lo tiin Justice Khanna chuan a sawi a. Kejriwal a ngeiin thutlukna a siam chu a tha ber zawk tiin Justice Khanna chuan a sawi bawk.
Tihian Supreme Court chuan Kejriwal bail tum hnih a phalsakna a ni tawh a. A hmasa zawk chu May 10 khan niin Lok Sabha inthlan atana a campaign theih nan bail a pe a, June 2 khan lung inah a lut leh thung.
Justice Khanna chuan Kejriwal chuan interim bail pek a phu a ti a. Kejriwal nun leh zalenna chu a chungnung tia sawiin ni 90 zet dah hranin a awm tawh a ti bawk.
Mahse, Delhi Chief Minister chu police custody atangin chhuah zalen a ni nghal dawn lo thung a. CBI te chuan Prevention of Corruption Act hmangin excise policy case-ah June 25 khan an man a ni.
Court chuan Zirtawpni khan Kejriwal chungchang chu Prevention of Money Laundering Act (PMLA) hmanga man a ngaihna leh tulna chhanah Bench lian zawk ngaihtuah turin a ti bawk a,.
Section 19 of the PMLA hmangin amah thu zawhfiah duhna chu man chhan a ni ngawt thei em tia sawiin Justice Khanna chuan PMLA hnuaia tehna hrang hrangte enfiah turin Bench lian zawk ngaihtuah a ngai a ti a ni.
Court chuan tuna PMLA hmanga man a nihna chu investigating officer ‘subjective opinion’ vang chauh a ni a ti bawk.
Bench lian zawkin a ngaihtuah turah accused-in amah manna ‘eng vanga man tul leh mamawh’ a nihnaah zawhna awm chu enfiah ngai a ni a ti bawk.
Kejriwal chuan March 21 khan PMLA hmanga Directorate of Enforcement (ED) tena an man chu a khing let a. Bench chuan May 21 khan petition for judgement chu reserved thungin Kejriwal chu Section 45 of the PMLA hmanga regular bail a dil a remtihsak a ni.
Special Court chuan Kejriwal chu June 20 khan Section 45 of the PMLA hnuaiah statutory bail a pe ta ngei reng a. PMLA hnuaia bail hi Sepcial Court-ah Section 45 of the Act hmanga dil thin a ni. Bail diltu chuan thil pahnih – a lan danah pawi a khawih lo tih leh a hnu zelah pawikhawih tur awm a ni lo tihah court a lungawi a ngai a ni.
ED te chuan Kejriwal chu kum 2022 a Goa Assembly election campaign nana hman tur Rs 100 crore ‘bribe’ kalpuiah ‘kickbacks’ Rs 45 crore channelling ah inhnamhnawihna nei tiin an puh a ni.
Agency te chuan kickback te chu hawala operator hmangin thawn a ni a, hengah hian Kejriwal chu ‘kingpin’ ber a ni an ti.
Senior advocate AM Singhvi, Kejriwal aiawha ding chuan hei hi chhang letin ED te chuan tun thlengin Goa election campaign atana sum pek engmah finfiahna phawrh tur an nei lo a ti ve thung.
ED ten August 2023 a case an register atanga kum khat hnuah Kejriwal chu man a ni chauh tia sawiin nikum July thla thleng khan accused-turned-approvers ‘zero-weight’ statement bak finfiahna an nei lo a ti bawk.