Swiatek tla ta nge nge
Defending champion Iga Swiatek chu Saudi Arabia khawpuia hmeichhe tennis kum kharna WTA Finals khelh mekah semi-final lut zo loin a tla a, kum 2021 hnu lamah WTA Finals group stage a paltlang zawh loh vawikhatna a ni.
Polish second seed Swiatek hian a group match hnuhnungberah 6-1 6-0-in Russian Daria Kasatkina sawp mah se last four a luh leh luh loh chu midang inkhelah a innghat a, an group atanga semi-final a chuhpui Barbora Krejcikova chuan group stage pel tawhsa chunga a final group match khel Coco Gauff a hneh avangin champion lai tan a title kawl lai humhim tura kal zel ngaihna a awm ta lo a ni.
Orange Group atanga American Gauff hnungzuia Swiatek tlang theihna kawng hnih awm chu Russian laka a chak bakah Riyadh khaw tournament inkhel danga eighth seed Krejcikova chak loh a nih laiin Wimbledon champion lai ve meuh Krejcikova hian 7-5 6-4-in tun Thawhlehni maia Swiatek barakhaihtu Coco Gauff a hneh a, Chinese seventh seed Zheng Qinwen nen final luh an inchuh thei ta a ni.
King Saud University Indoor Arena-a nizan semi-final pakhat zawk result tarlan hman lohah Gauff hian Belarusian world number one Aryna Sabalenka a hmachhawn ve bawk.
Tunhnai kum hnih liamta chhung khan Swiatek hian Tour a awpbet hneh viau a, kuminah pawh season bul a tan khawng leh viau a, Doha, Indian Wells, Madrid, Rome leh French Open title a la a, mahse, season second half atangin hniam lam a pan ta tlat a, world number one nihna pawh kumin hian Sabalenka kut atangin a lakir zo tawh dawn lo a, season kharna tournament lamah pawh semi-final a thleng zo ta lo hial a ni!
Swiatek tla ta nge nge
Get real time updates directly on you device, subscribe now.