Valencia atangin Barcelona-ah MotoGP season kharna an sawn

Valencia a\angin Barcelona-ah MotoGP season kharna an sawn
Spain rama tuilian avangin La Liga football match \henkhat pawh a hun sawn a ni a, MotoGP season hmawrbawkna (finale) pawh Valencia a\angin Barcelona lamah an sawn phah ve ta nge nge.
Ruahman lawk ang chuan, MotoGP last round hi Valencia khawpuia Circuit Ricardo Tormo-a tlan tur niin, Valencia khuaa ruahsur nasain tuilian a thlen chuan tlankawng a tichhe tel a, loh theih lohin Valencia lamah an insawn a ngaih phah ta a, a hun erawh a ngai angin November ni 15-17 chhung hian an tlan ang.
Spain ram tuilian avang hian mi 200 chuang an thi tih nemngheh ni tawhin, thi zat hi an la pun chhoh leh rin a ni.
MotoGP organiser-te chuan thuchhuah siamin, “Thuneitute hnenah duhthlan tur \ha ber Barcelona lama sawn MotoGP-in a dil a; he track hi MotoGP season finale chhim tuma lo inruahman tawh fans tana remchan berna a ni,” tiin.
Circuit de Barcelona-Catalunya hian kumin May thla khan championship kal laia round rukna a lo dawl tawh a ni.
Intlansiak vawikhat chauh awm tawhah Spanish Pramac Ducati rider Jorge Martin chuan amah hnaihbertu leh defending champion ni bawk Francesco Bagnaia lakah point 24-in hma a hruai fal mek.
Kum 26-a upa Martin hian nikum khan Bagnaia pha loin runner-up a ni a, kumin hian a MotoGP title hmasaber tur a beisei leh mek a; a elpui lian ber kum 27 mi Italian Bagnaia hian kum 2022 leh 2023 khan title a la zawn a, kumin hian vawikhat tlan tur la awmah hmahruaitu ni lo mah se a title pathumna a la beisei mek a ni.
A zawna he title vawithum la zawn thei hnuhnungber chu kum 2019-a vul six-time MotoGP champion Marc Marquez kha a ni.