Swift Eras Tour-in a tha zawngin economy a nghawng

Taylor Swift-i’n Eras Tour neia USA state hrang hrang a hrut kual maknaah hian a show neihna state tinah a thawm a lianin, a khaw nawtin an ri luih luih zel a ni deuh ber mai a, hmun hrang hrang atangin show chhim turin an inhawr khawm hian hei hian state hrang hrang sum leh pai dinhmun a tha zawngin a nghawng niin Federal Reserve chuan an tarlang.
Philadelphia Federal Reserve chuan Swift tour hian hotel industry chu a chawi nung thar leh niin an tarlang a, 2020-a coronavirus hripui a len hnuah a vawi khat nan he sector hi a thang leh ta a, an sum hmuh pawh a let thum lai ten a pung niin an tarlang a ni.
Central bank hian Nilaini kaltaa Beige Book an tihchhuahah chuan hotel booking chu 2020 hnuah a pun nasat ber lai niin an tarlang a, tourism lama sum chevelin ngai a awh leh hleihtheih loh laiin Swift-in May thla atanga tour a kick off atangin heti lama sum hmuh hi a pung nasa ta hle a ni.