Mizoram Synod hnuaiah Aizawl leh Lungleiah damdawi in a awm a, heng hmunah hian a vaiin doctor thawk lai 43 an awm a. An ni nen hian thawktu 552 an awm mek.
Mizoram Synod chhinchhiah danin, Synod Hospital Durtlangah hian tunah doctor 39, nursing & college staff 220, para medical staff 34 leh thawktu dang 197, an vaiin thawktu 490 an awm mek a. John Williams Hospital Lungleiah doctor 4, nursing staff 22, para medical staff 9 leh thawktu dang 27, an vaiin thawktu 62 an awm.
July 2 (Pathianni) khan Mizoram Presbyterian Kohhran chuan Health Sunday & Hospital Sunday (Damdawi In Pathianni) ah a hmang a. Hospital Sunday hi kum 1928 atangin a hmang tan a, kum 1981 atangin July thla Pathianni hmasa ber hi ni bik atan hman a ni.
Kum 1985 Synod Inkhawmpui thu angin kum 1988 atang khan January Pathianni hnuhnung ber chu Ph^r Pathianni (Leprosy Sunday) atan hman thin a ni a. Kum 2004 Synod chuan ph^r pual chauh niloin natna dangte pawh huamin ‘Health Sunday’ tiin a thlak a, kum 2006 atangin Health Sunday hi hman tan a ni. Bial KTP Inkhawmpui nen a inrual chang a awm avangin February Pathianni vawithumnaah hman thin a ni leh a. Health Sunday-ah hian hriselna lam thupui chi hrang hrang zir thin niin, kumin hian “Upate natna leh a enkawl dan” tih zir a ni.
Kum 2008 Synod-in Health Sunday leh Hospital Sunday hi Pathianni vawikhatah a ruala hman nise, tia a rel angin, kum 2010 atang khan Health Sunday leh Hospital Sunday hi a rualin hman a ni.
Kumin hian Health Sunday pualin chawhnu ah hun hman a ni a. Zanah Hospital Sunday puala hun hman niin, thawhlawm lakkhawm chu Synod Hospital Charity Fund pual a ni a, thupuiah “Natna tinreng tidamtu Isua” tih hman a ni.
Synod-in hospital 2-ah doctor 43 a nei mek
Get real time updates directly on you device, subscribe now.
Next Post