Syria in helho nen an inbeih thu sawi

Syria president Bashar al-Assad chuan an khawpui lian tak Hama chu helhoin rinlawk hauh lova an lak thu a sawi a, inkahna nasa tak an neih thu a sawi.
Heng Islamic firfiak pawlte hi Hayat Tahrir al-Sham te an nih thu sawi a ni a, Hama khaw bul lawkah hian inkulhin, an ram lak thenkhat chu Syria sipaite hian an lalet leh tawh thung.
Syria state media te chuan an ram sipaite chuan thlawhtheihna leh hmanraw tha ber ber hmanga beihpui an thlak nghal thu an sawi a, firfiakte khaw lak tawh engemawzat chu la let tawhin, firfiak pawlte chu an nawr chep tawh hle niin an sawi.
Hama hi Aleppo khawchhak lam km 110 vela hlaa awm a ni a, kar hmasa lam atang khan helhote hian bei tanin, mak tak maiin an la deuh thut ta mai niin thuneitute chuan an sawi a, mahse tunah chuan Syria sipaite chuan an ram chin humhim tura ke an pen kim leh tep tawh thu an sawi bawk.