SZA hla hit ‘Kill Bill’ chu kar khat chhunga khawvela hla lar ber niin, Billboard Global 200 chart-ah a la No.1 a, he chart-a a zawna kar hnih a No.1-na a ni ta. Hetihrual hian NewJeans pawh chart top 10-ah an invawrh lut ve ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuang a official-only streams (subscription leh ad-supported audio leh video music services) bakah download sales te chu tehna pawimawh a ni.
-- Advertisement --
SZA ‘Kill Bill’ hi kar khat chhungin stream maktaduai 75.2 leh download sales 2,000 a la tling a, hei hi chart-ah a No.1 pui leh ta a ni. He hla hi a music video an tichhuak thar a, chu chuan streaming a tipung thar leh sawt a ni. A hla hi SZA No.1 album ‘SOS’ atanga a single a ni.
Billboard Global 200 Top 10:
1 Kill Bill – SZA
2 Unholy – Sam Smith & Kim Petras
3 Calm Down – Rema & Selena Gomez
4 I’m Good (Blue) – David Guetta & Bebe Rexha
5 Anti-Hero – Taylor Swift
6 Creepin’ – Metro Boomin, The Weeknd & 21 Savage
7 Escapism – RAYE Featuring 070 Shake
8 As It Was – Harry Styles
9 Ditto – NewJeans
10 OMG – NewJeans
Chart No.1 hlui Sam Smith leh Kim Petras ‘Unholy’ chu No.2-ah bawk awm lehin, Rema leh Selena Gomez ‘Calm Down’ chu No.4 atangin No.3-ah a insawn a, David Guetta leh Bebe Rexha ‘I’m Good (Blue)’ chu No.3 atangin No.4-ah a tawlh a, chart No.1 hlui Taylor Swift ‘Anti-Hero’ chu No.5-ah bawk a la awm.
South Korean quintet NewJeans hla thar ‘OMG’ chu stream maktaduai 40.8 tlingin, No.30 atangin No.10-ah a invawrh a, group member Danielle, Haerin, Hanni, Hyein leh Minji te tan he chart-a top 10 kai thei hla pahnih an neihna niin, an hla dang ‘Ditto’ chu No.26 atanga No.8-a a invawrh hnuah, No.9 a ni mek bawk.