SZA album ‘SOS’ chu Billboard 200 (albums) chart-ah a No.1 a, he chart-a kar sarih a No.1-na a ni ta a, 1987-a Whitney Houston album ‘Whitney’ hnua he chart-a R&B album kar sarih chin No.1 ni leh thei hmasa ber a ni. Hetihrual hian Trippie Redd leh HARDY te pawh chart top 10-ah an debut
-- Advertisement --
Billboard 200 (albums) chart hi kar khat chhunga US-a album hralh that dan atanga tehin chart ranking hi siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album copy tlukpui te belhkhawm thin a ni.
SZA ‘SOS’ hi kar khat chungin copy 1,11,000 an hralh leh a, chung zinga copy 1,09,500 chu streaming atanga album hralhna tlukpui (on-demand official stream maktaduai 148.87) niin, album tak tak hralh zat chu copy 1,000 niin, album-a hla mal hralhna atangin copy 500 tlukpui a tling thei bawk.
Chart No.1 hlui Taylor Swift ‘Midnights’ chu copy 67,000 hralh lehin No.2-ah bawk a la awm a, he album hi an tlangzarh atanga kar 14 chhung chu chart top 2-ah a vir vel a, hetianga kar 14 chin chart top 2-a lang thei, No.1 leh No.2 nikual deuh char char thei hnuhnung ber pawh Swift-i album tho ‘1989’ a ni a, November 15, 2014 leh February ni 21, 2015 inkarah chart No.1 leh No.2 a ni kual deuh char char a ni.
Trippie Redd album thar ‘Mansion Musik’ chu copy 56,000 hralhin No.3-ah a debut a, hei hi a album chart top 5-a lang thei pasarihna a ni a, 2018 atang khan a album tlangzar apiang chart top 5-ah an la debut vek a ni.
HARDY pawh a vawi khat nan Billboard 200 chart top 10-ah langin, a album ‘The Mockingbird & The Crow’ chu copy 55,000 hralhin chart No.4-ah a debut, he country leh rock inchawhpawlh project-ah hian Jeremy McKinnon (A Day to Remember), Lainey Wilson leh Morgan Wallen te nena an thawhhona te pawh a awm.
Chart No.1 hlui Metro Boomin ‘Heroes & Villians’ chu copy 53,000 hralh lehin No.3 atangin No.5-ah a tawlh a, chart No.1 hlui bawk Drake leh 21 Savage ‘Her Loss’ chu copy 46,000 hralh lehin No.4 atangin No.6-ah a tawlh a, chart No.1 hlui tho Bad Bunny ‘Un Verano Sin Ti’ chu copy 41,000 hralh lehin No.6 atangin No.7-ah a tawlh a, chart No.1 hlui bawk Morgan Wallen ‘Dangerous: The Double Album’ chu No.7 atangin No.8-ah a tawlh ta bawk.
Zach Bryan ‘American Heartbreak’ chu copy 32,000 hralh lehin No.8 atangin No.9-ah a tawlh a, chart No.1 hlui Lil Baby ‘It’s Only Me’ chu copy 28,000 hralh lehin No.9 atangin No.10-ah a tawlh ta baw