Kolasib District Hospital sak mek chu Kolasib MLA, deputy speaker Lalfamkima chuan Ningani khan a tlawh a. Hospital sak hna thawktute leh hospital-a thawktute nen an inkawm.
Hospital sak mek tualzawl tur chu rawt hniam a, parking tam zawk leh lirthei chetvelna zau zawk siam tha a tih thu a sawi a. Tuna hospital sak mek basement rual hian nawr hniam a rawt a. Hei bakah hian hospital luhna pakhat chauh awm chu nakin zel atan a la buaithlak dawn avangin a luhna leh chhuahna siam belh tul a tih thu a sawi. Budget Session neih zawh hnuah Health minister hoa hospital sak mek chu en ho an tum thu a sawi bawk.
Hospital sak mek thawktute chuan Block A chu May thla hian luah luh nawk nawk theiha peih hman an tum tih an sawi a. Block A an sak zawh hunah hian tuna Male Ward atana la hman, building hlui chu thiah a, Block C sak zawm leh nghal tum a nih thu an sawi. Tunah hian Block B sak hna an thawh mek thu an lo hrilh a ni.
Hosiptal sak mek tlawh
Get real time updates directly on you device, subscribe now.
Prev Post