Tamil Nadu sorkar in NEET kalpui duh lovin khing

Tamil Nadu sorkar chuan karkalta Inrinni khan Supreme Court ah National Eligibility-cum-Entrace Test (NEET) medical course zirtheihna kawng awmchhuna hman chu khingin Constitution Basic Structure bawhchhiatna, fundamental rights to equality bawhchhiatna leh principles of federalism kalh a ni a ti.
He suit hi advocate Sabarish Subramanian kaltlangin Article 131 of the Constition behchhana thehluh niin Union of India chu defendant a ni.
Court chuan, “NEET a mark hmuh te medical leh allied course zirna tura thenana hman te hi Constitution of India provision kalh a, Constitution basic structures kalh leh Article 14 of he Constitution kalh tiin a puang tur a ni” tiin an thehlut a.
Tamil Nadu chu lohtheihloha Apex Court a zualko tura turluiha awmin a chhan chu ‘NEET exam kalpui chuan State of Tamil Nadu a zirlai te nasa takin anghawng a, a bik takin thingtlang zirlai te leh Tamil Nadu State Board orf Education hnuaia school inziakluta zirlaite a nghawng zual a ni’ tiin tarlan a ni bawk.
Tamil Nadu state chuan apex court in Christian Medical College, Vellore & Ors. v. Union of India & Ors judgement a siam tawh chu sawifiahna phut bawkin a chhan chu tun thlengin Tamil Nadu government seat aiin NEET chu ngaih pawimawh zawk a ni a ti bawk.
He judgementa sawifiahnaah State chuan NEET dinchan tir anihna chhan chu dik lo taka admission hmuh nana thiltiha candidate te sum sen theih piah lama kalpui te, capitation fee sang tak lak te, dik lo taka thltih lian tham awm lohna te, hlawk lutuk tuma thil tih leh entrance examination commercialisation awm loh nana hmalakna a ti tiin a sawi .
State chuan he ngaihdan hi sorkar seat ah hmantlak a ni lo tia sawiin, “He reasoning hi sorkar seat ah awmzia nei lo a ni a, private college ah chauh capitation fee leh hlawk tum lutukna thiltihah chauh hman tlak a ni” tiin suit chuan a tarlang bawk.
“NEET hman hi federal structure bawhchhiatna niin a chhan chu State in medical college a sorkar in seat a neih te a hnawhkhah theihna a laksak a. Education hi State thuneihna subject leh dan a siam theihna niin State chuan State university ah thuneihna pumhlum a nei a ni. Medical college tin, private emaw state emaw central sorkar college ani emaw NEET hman vek hian federal structure bawhchhiain State in education lama thutlukna a siam theihna thuneihna a neih a bawhchhia a ni” tiin suit chuan a tarlang bawk.
NEET chuan State a thingtlang zirlai te State Board School a zir te nasa takin a tibuai a. Heng zirlai te hi NEET examination ah an dinhmun a chhia a, a chhan chu NEET examination chu CBSE/NCERT syllabus mila kaloui a nih vang niin Tamil Nadu STate Board of Education syllabus zirlai te dinhmun a chhiatphah a ni, tiin Tamil Nadu State chuan a tarlang bawk.
Tamil Nadu a zirlai tam tak te chuan economic resources an tlachham a, coaching class an kal ve thei lo va, NEET exam hmachhawn turin kum khat inpuahchaha class kalloh tawp an thei ve lo a ti bawk a.
“Hei vang han zirlai talented tak tak leh Class XII examination a mark sang tak tak hmu te pahwin khawpui leh khawpui tenaua resource nei tha zawk zirlai te an elpui pha lo a ni” tiin suit chuan a tarlang bawk a.
Tamil Nadu a thingtlang zirlai tam tak te chuan khawpuia cheng te angin coaching class leh tuition an kal ve theihloh avang leh syllabus a NCERT hman a nih bawk si avangin harsatna namenlo an tawk tiin an sawi bawk.