BY Dr. Lalbiak kima
-- Advertisement --
February ni 17. 2023 hian a hu hovin ZMC kan tlawh a (Indian Medical Association,Senior gr.) .An Director Dr.John Zohmingthanga’n min lo dawngsawng a. Academic Block te, Administrative Block leh Demonstration room, Laboratory etc leh Hospital min fanpui a.
Kum tin student 100 an admit thin a. Heng atanga 70% hi Mizoram quota a ni a; 15% hi All India Quata,15% hi NRI (Non resident Indians) tan a ni. Seat hi a khat vek thin. Kum nga dawn a lo ni ta a.Tunah MBBS Students 500 dawn an awm ve ta. Heng zirtir tur hian doctor thiam Clinician 100 chuang an awm tawh a. Damlo chi tin reng an enkawl thei tawh a. Hmanrua an nei tha viau tawh a ni. An zaina O.T pawh changkang modular OT vek a ni tawh. Class room leh Demonstration room te hi NMC duh dan thlapa siam vek an ni tawh a ni
Tunlai hian Final MBBS student 96-in MBBS final exam an nei mek. April thla chuan Doctor thar tha theh thawh 100 dawn kan nei thar ve tan dawn niin a lang.
Recognition hi tunah chuan National Medical Comission in (NMC) a nei tawh thin a. Hmanni lawk khan surprised check an rawn nei a. An hlim viau chuan an sawi. A final check hi March/April 2023-ah an nei leh ang. Thildang chu an changtlung viau a, staff hi an la indaih chiah lo nain final inspection pawh an paltlang ngei a beiseiawm e. Full recognition NMC-in a pek hunah Post Graduate (Specialist) zirna hi Dept engemaw zatah tan theih nghal an inbeisei.
Tunah a hnathawk zawng zawng hi mi 800 chuang an ni tawh a ni.
Medical College-a Doctor te hi an taimain thahnem an ngai em em a. Nakkum lawkah chuan Mizo Doctor Professor tling kan nei fur tura beisei a ni. Mizo Doctor zirtirtute hi an thiamin thahnem an ngai a. State dang Medical College tam tak ai chuan a tha zawk tawh ngei ang.
Damlo tamtak tan phai pan ngai lovin ZMC Hospital hi pan tlak a ni tawh a. Ward pawh a fai tha hlawm khawp mai.