Taylor-i birthday-ah Travis Kelce a insengso

Taylor-i birthday-ah Travis Kelce a insengso
Ngaihzawng te an hmangaih leh hmangaih loh hriat theihna awlsam tak pakhat chu an tana an insenso ngam dan a zir hi a ni, an ti thin a, Travis Kelce pawh a ngaihzawng Taylor Swift pianchampha lawm nan a insengso ve nual a, thilpek chi hrang hrang atan dollar 1,75,000 (Rs 1,48,44,000 vel) a seng niin an tarlang.
December ni 13 kha Taylor Swift pianchampha niin, kum 35 a tling ve ta a, a pianchampha lawm nan hian a tawih, Kansas City Chiefs star Travis Kelce pawh a insengso hreh lo khawp mai,a thilpek chi hrang hrang zingah pangpar ringawt pawh dollar 19,325 (Rs 16,39,000 vel) man a tel a, Travis hian 35 bouquet a pe niin London chhuak Sun chanchinbu chuan a tarlang. Pangpar bakah hian black heart box 15, pakhat dollar 315 (Rs 26,700 vel) man bakah deluxe white box 10, rose par var leh a dum a khat tlat a pe tel a, heart box dark pink a tuam, a chhunga neon rose gold awm a pe tel bawk.
Pangpar lam bakah accessories pawh a pe nual a, Tiffany & Co. tlereuh, Rolex leh Van Cleef & Arpels dollar 1,55,200 (Rs 1,31,64,900 vel) man a tel a, sana hi dollar 60,350 (Rs 51,19,200 vel) man a ni. Heng bakah hian Alhambra thi, dollar 35,500 (Rs 30,11,300 vel) man a tel bawk.