Taylor-i’n Kelce inkhel a en leh ta

Taylor Swift leh Travis Kelce te inkar chu a boruak a kal fuh zel a nih hmel a, Pathianni zana MetLife Stadium-a Travis Kelce te team Kansas City Chiefs leh New York Jets inkhel pawh a hmunah Swift hian thlirin, Kelce a support leh ta tlat mai. Tun hi Swift-i’n Kelce nena an sawi zawm hnuah Kansas City Chiefs inkhel a en vawi hnihna a ni ta.
Pathianni zan inkhel an ennaah hian Swift hi a thiante, Blake Lively leh Ryan Reynolds te nena an kal ho a, stadium chhungah Sabrina Carpenter nena an inkuah lai te pawh hmuh tur a ni. Hugh Jackman pawh inkhel entu zingah a thu ve vang e.
NFL lam pawhin Taylor Swift hi boruak siam nana hmangin, an official X (Twitter) account-ah “Welcome to New York, kan lo nghak reng che” tiin game tan hmain Swift hi an tweet a, Swift-i’n stadium chhungah midang a lawm kual lai clip te pawh an tilang a, inkhel chhung zawngin a khat tawkin Swift an tilang deuh sek a, touchdown laia a reaction te pawh an tilang.