Taylor Swift-i’n Eras tour truck driver te bonus $100K a pe

Taylor Swift-i’n Eras tour truck driver te bonus $100K a pe
Taylor Swift-i’n Eras Tour a neih meka US state hrang hrang a fan lai chu tun thla chhung hian Los Angeles-ah show vawi ruk neiin a khar tawh dawn a, Latin America, Europe leh Australia-ah te a chhunzawm zel dawn a ni. Eras Tour zet hi chuan thawm a nei lian mep mep hle a, sum che vel pawh a tam tham khawp mai. He tour tual taka a kal theih nana a lang lo lama mi pawimawhm, crew te hnenah Swift hian lawmthu sawn nan bonus a pe a, he tour atana truck driver zawng zawng te chu dollar 1,00,000 a pe theuh. Swift hian Eras Tour atan truck driver 50 vel zet a hmang a, tihian truck driver te bonus a pek zawng pawh hi dollar maktaduai 5 a tling nghal der mai a ni.
Swift hian a band member, dance, lighting leh sound technician leh crew dang te pawh a sum faiin bonus a pe vek niin report a awm a, a sum pek zat erawh puanzar ve a ni ve rih lo.
Eras Tour hi Los Angeles a SoFi Stadium-ah August ni 3-5 leh 7-9 chhungin show a nei leh a, tichuan US bik atana a tour a khar tawh dawn a ni.