Taylor Swift hi a
‘single’ rei hman lo
thin ve khawp mai, tunah pawh The 1975 frontman nen an in-chu-kha deuh niin an sawi leh ta. An pahnih hian restaurant pakhatah inkai chunga an kal dun lai an hmu fuh tlat mai. Mahse, restaurant-ah hian an pahnih chauha awm fal an ni lo a, Taylor-i thian Jack Antonoff leh a nupui hual Margaret Qualley te pawh an tel a, New York City-a Casa Cipriani-ah an inhmukhawm a ni.
Matty, kum 34, hian Taylor, kum 33, hi a Nashville concert-ah te pawh a lo support tawh a, May ni 5 khan a concert hi VIP tent atangin a lo thlir ve vang vang a, May ni 11-ah chuan inkai chungin restaurant-ah an lut dun ta a ni.
Mahse, tun hi Matty leh Taylor te hi an inzui niawma thu a than vawi khatna a ni tawh lo, 2014 khan Matty hian an band concert zawhah Taylor Swift nen hian phone number an inpek tawn thu a sawi a, hemi tum hian Taylor nen chhuah dun a chak thu te pawh a sawi tel nghe nghe a, mahse, a hnuah inkarah engmah a awm loh thu leh Taylor chu khawvela pop star ropui ber te zinga mi a ni a, ani lah Australia-a awm a ni daih a, “Inkungkaihna engmah kan nei lo a, thil engmah a thleng lo e,” a ti leh bawk.
Matty hian Gabriella Brooks, Halsey leh FKA twigs te pawh a lo date tawh a, Taylor Swift pawh hian a ‘ex’ list hi tlar ve that tham a nei tawh a, chung zingah chuan Joe Jonas, Lucas Till, Taylor Lautner Calvin Harris, Tom Hiddleston, Harry Styles, Jake Gyllenhaal, Connor Kennedy te pawh an tel a, tunah hian kum ruk vel zet a lo ‘nih’ pui tawh Joe Alwyn nen an in-break ve leh ta a ni.
Taylor Swift leh Matty Healy an ri rêt rêt
Get real time updates directly on you device, subscribe now.
Prev Post