Team World an champion

Pathianni khan Laver Cup 2025 khelh zawh a nih a, Taylor Fritz chetthat zarah Team World in Team Europe an hneh a, a vawi thum nan an champion.
Inrinni-a inkhelah World No. 1 Taylor Fritz-a’n a vawi khat nan World No. 1 Carlos Alcaraz a hneh nawlh. Inrinni hian mimal inkhelah team World in mak tak maiin an khingpuite an hneh vek a, champion turin an dinhmun an siam tha. Laver Cup ni hnuhnung berah inlehthalna lian thleng thei a la nih vangin team world dinhmun a la him bik lo.
Pathianniah hian Team Europe tana inkawp Carlos Alcaraz leh Casper Ruud te inkawp chuan Alex Michelsen leh Reilly Opelka te inkawp chu 7-6 (7-4) 6-1 a hnehin an inkar an tizim a. Mimal inkhelah Alex de Minaur chuan 6-3 6-4 in Jakub Mensik a hneh a, team Europe nen an inkar an tizim nawn leh. Point 6-a an hnufual hnuin Carlos Alcaraz chuan a khingpui chuan Francisco Cerundolo chuan a khingpui Francisco Cerundolo chu 6-2, 6-1 in a sawp a, point thumin Team World an hnaih leh hret.
An inkar a zim thar leh hnuin inkhel hnuhnung berah Alexander Zverev leh Taylor Fritz te an inhmachhawn. Mimal inkhel hnuhnung berah hian Zverev a chak a nih chuan Team World nen an point hmuh zat a intluk chiah dawn a. Taylor Fritz a chak a nih erawh chuan Team Europe an champion chiang dawn thung. Inkhel pawimawh takah hian Taylor Fritz chuan harsa takin Zverev a hneh a, team Europe lakah point 12-9 a hnehna changin an champion zui ta a ni.
Laver Cup-ah hian team Europe an champion thei viau a, vawi sarih an champion tawh. Hetihlai hian Team World erawh an vawi thum champion na chauh a ni thung a. Kum 2022 leh 2023-ah an champion zawn hnuin kum 2025-ah an champion ve leh ta nawlh a ni. Laver Cup hi September ni 25-27, 2026-ah khelh a ni leh dawn a, O2 Arena, London-ah khelh a ni ang.