Telangana sorkarin thutiam tihhlawhtlin tum

Lalit Jha, Parliament tihbuaia a meizanghlaptu ber nia ngaih chu police ten thu zawhfiah atan ni sarih an kawl remtih a ni a. Police-te hian ni 15 kawl an dil zawk.
Jha hi buaina thlen hnuah tlanchhe nghalin mahse ni 14 zan khan Delhi Police-te hnenah a inpe a.
Bihar chhuak niin Kolkata a zirtirtu a ni a, Kolkata-a chenna thenawm leh a hmelhriatte chuan mi zawiawi tak an ti.
Tuna a chenna Kolkata a Burrabazar area ah kum rei lo te kalta atang chauha awm niin a langsar lo tiin a thenawma tea stall neitu chuan a sawi a. Kum hnih kalta vel khan a insawn thut tiin a sawi.
Police-te chuan Jha chuan freedom fighter Bhagat Singh a ngaisang an ti a. Parliament pawna smoke canister phuh pawh kha amah ngeiin video-a lain chu chu a telna NGO dintu Nilaksha Aich a thawn a, media ten a clips an hmuh ngei theih nana a ruahman tih a ni bawk.
Parliament-a harsatna siamah anti-terror law Unlawful Activities (Prevention) Act (UAPA) hmangin mi panga mipa pali leh hmeichhia pakhat thubuai siam sak mek an ni a.
Nilaini khan Sagar leh Manoranjan te chuan parliament chhungah smoke canister lalutin an phuh zui ta a ni. Zero Hour lai niin an canister phuh chuan harsatna nasa tak siamin mahse MP rual te chuan hualin an man zui a ni.
Parliament pawn lamah Neelam Devi leh Amol Shinfde te parliament chhung luhna pass nei ve lote chuan smoke canister chu an lo phuh ve leh bawk.