Telangana State Day hmang
Larsap Dr Hari Babu Kambhampati chuan Zirtawpni khan Raj Bhavan-ah Telangana State Day denchhenin program a buatsaih a. Hei hi Mizorama a vawikhatna niin, Ministry of Home Affairs chuan state tina Raj Bhavan-te chu State Day apiangin an awmna State Day ni lo pawh, India ram inpumkhatna hmanrua atan lawmna huaihawt thin tura a hriattir vanga hman a ni. 2014 June 2 khan Telangana hi Andhra Pradesh atangin state puitling ni turin a indang a ni.
Larsap chuan state dang din champha kan lawmpuina hun chu an state-a chengte khawsak phung leh nundan kan hmelhriatna remchang a ni, tiin, MHA-in ruahmanna a siam angin kalpui a ni a, India ram inpumkhatna atan thil pawimawh tak pakhat a ni tih a sawi. “Khawi state-a cheng pawh ni ila, kan awmna hmun, kan hnathawhna hmun leh kan eizawnna hmun amite nen inrem taka awm kan zir a ngai a, India ram ropui zual zelna’n leh inpumkhatna atana thawktu nih kan tum zel tur a ni,” a ti.
Telangana State Day puala hun hmanah hian he state mi leh sa Mizorama awm leh sawmbikte an tel a. Larsap chuan Telangana state mipuite chibai bukin duhsakna a hlan a. State dangte dincham pawh lawm chhoh zel tura ruahman a ni tih a sawi. Telangana pianchhuah dan, a chhunga chengte khawsak phung leh an state hmasawnna thlirho a ni.
Telangana State Day hmang
Get real time updates directly on you device, subscribe now.
Prev Post
Next Post