India-in Ak-203 rifles 35,000 dawng

Prime Minister Narendra Modi an Russia a tlawh hma lawkin Indo-Russian Rifles Private Limited (IRRPL) ram pahnih joint venture te chuan Kalashnikov AK-203 assault rifles chu Indian Ministry of Defence hnenah 35,000 a hlan fel, tiin Rostec state corporation of Russia chuan a sawi.
“IRRPL joint venture, Russian lama ROboronexport te chuan AK=203 Kalashnikov assault rifles India nena project siamah a thawhkhatna a zo fel ta a. Amethi, Uttar Pradesh a Korwa Ordnance Factory ah hmanrua pawimawh zawng zawng te a thawn vek tawh” tiin Alexander Mikheev, Director General of Roboronexport chuan a sawi a. “Ministry of Defence of India nena inremna siam angin Indian Army hnenah Kalashnikov assault rifles 35,000 pek a ni tawh” tiin a sawi bawk.
AK-203 assault rifles hi Ak-200 rifle version thar a ni bera 7.62×39mm cartridge hmang a ni. India chu foreign customer zinga Kalashnikov assault rifles ‘two hundredth’ series nei hmasa ber tiin Sergey Chemezov, Director General of Rostec chuan a sawi.
July 2021 khan Rs 5000 crore hu contract ziah niin chumi hmang chuan India ramah AK-203 assault rifles 6.1 lakh siam tur a ni a, Russia chuan India hnenah technology a transfer tura tih a ni a, he mi atan bik hian joint venture Indo-Russian Rifles Private Limited (IRRPL) chu din a ni.
IRRPL chu kum 2019 khan India aiawhin Ordnance Factory Board [tunah chuan Advanced Weapons and Equipment India Limited (AWEIL tih a ni tawh) leh Munitions India Limited (MIL)] Russia aiawhin Rosoboronexport (RoE) leh Kalashnikov te telna a ni a.
Contract ang chuan rifles 70,000 chu India ramah phase te te a thenin siam chhuah a ni ang a, a tirah chuan localization 5% atanga 70% thlenga kalpui phawt a ni ang a, a hnuah 100% localization kalpui tura tih a ni.