Tha min ti tawh lo a niang…

|ha min ti tawh lo a niang…
Hmeichhia ten nau an pai a, fa an hrin hnuah an pasal te mitah a hma angin an tha tawk tawh lo ni a inngai an awm thin. Survey an neihah pawh hmeichhe 50% dawnin nuin an nih hnuah an pasal ten an ngaihsak loh ni a inhria an awm a, 12% chuan an pasal ten an duh sawt niin an ngai ve thung a, 69% chuan an pasal ten an ning riauin an hre ve thung.
Psychologist Seema Hingoranny chuan mipa enkawl pakhat chu entir nana hmangin, “An nupui ten fa an hrin hnuah mipa ten an nupui te chu a hma aia sensitive zawkin an hria a, tlema thlah fal deuh a, hunthawl pek an duh thin a, chu chu hmeichhia ten an hrethiam lo a, an ngaisual fo a ni,” a ti.
Stress counsellor Yatri Thakkar chuan, “Hmeichhia ten hormonal change an paltlang nasa a, an mood pawh a danglam nasa thin. Nau an hrin hnuah mahni indah hniamna rilru put an awlsam em em a, hun a kal deuh a, a ziaawm ve leh mai thin,” a ti ve thung.
Researcher-te chuan mumnesia an ti a, hmeichhia ten an fa neih hmaa an nihnaa kha an hre tawh lo a, an inthlak hlauh thin. Fa neih hnuah chuan an rilru puthmang a lo danglam deuh a, ahma angin intuaihnum leh intih deuh hliau hliau te an ti ta lo deuh a, chutiang ti lo tura inngaihna deuh te an nei thin. Seema Hingoranny chuan, “Fa neih hnuah a hma zawng aia inulukin, inchei pawh kan peih zawk tur a ni,” a ti.
Relationship lama mithiam te chuan mipa ten an nupui ten fa an hrin hnuah rilru nuama an siam theih nan tih dan tur tha a awm niin an sawi a:
1. Fa an hrin hnuah nupuite chu duat sawt tur an ni a, zing thingpui te siam sakin, khumah han pe teh. Nilengin nuam an ti ang.
2. In lam hna tul te khaiwh pui la, eirawngbawl leh inchhung sekrek khawih te tih pui rawh.
3. A bulah hun hmang tam sawt la, len khawthawn pui te pawh ching rawh.
4. Duat takin han massage vel thin la, chu chuan a tihlim khawp ang.
5. Nau enkawl dan lehkhabu te leiin, chhiar dun thin rawh u.