Thalaite eizawnna tur buaipui tum

Thalaite eizawnna tur buaipui tum
Thalaite chu harsa taka khawpuia mahni indapchawpa ei zawn ngai loin, mahni khua mahni inpui atanga eizawnna dap sak an ngai a, thalaite eizawnna tur an buaipui dawn tih ZPM Thalai president Dr C Lalrammawia chuan a sawi.
East Tuipui bial a fannaah ZPM Thalai president chuan Mizo thalaiten khawpuiah mi in luaha inchawm thei tawk tawkin engemawzat mi hnuaiah an thawk tih sawiin, “Thalaite hi anmahni khua leh an inpui atang ngeia an thawh tur eizawnna kan siamsak a ngai. ZPM chuan thalaite a dawmkang dawn, ZPM a sawkar chuan kuthnathawktuten an thawh hah man hlawk zawkin an tel anga, sawrkar hna in min daih loh avangin thalaite eizawnna tur nasa takin kan buaipui dawn,” a ti. Bana kaih policy hmangin thalaite mahni kea an an din theihna turin an tanpui dawn tih a sawi a ni.
Politics thiltihtheihna hmanga thiltitheilo zawkte rahbeha an awm thin chu pawi a tih thu Dr C Lalrammawia hian sawiin, politics-ah hlauh an neih avanga an sawi duh pawh sawi ngam lo leh an duhna pawh tilang ngam loa mipui an awm thinna chu ZPM sawrkarah nuaibo a nih tur thu a sawi. “Zalenna politics a awm tawh dawn a ni,” a ti.