Thangthar zingah Mizo nunphung hre mumal tawh lote ngaihdan tir leh an ngai tih School Education minister Lalchhandama Ralte chuan a sawi.
East Phailenga neih Mizoram Upa Pawl Chalfilh Area Conference vawi 33-na hmanpuitu Lalchhandama Ralte chuan tun dinhmunah chuan Mizo nunphung hre mumal lo thangthar zingah an awm zel a, Mizo pasalthate an theihnghilh tawh a, hnamdang culture an ngaisang tan a. Mizo nunphung ngaihsan tir leh an ngai a, nun kawng dik kawhhmuh an ngai am chumi kawngah chuan upate an pawimawh tiin a sawi. Thangtharte chu Mizo nunphung hrilh thar tur leh kawng dik kawhhmuh zel turin a sawm.
MUP member-te chu Pathian malsawmna, hriselna leh chakna an neih avanga member ni thei an ni tih sawiin, tha leh zung tam tak an lo sen tawh avanga vawiina chhungkua, khawtlang leh ram hi awm thei a ni a, an hlu hle tih a sawi bawk.
Minister chuan MUP thupui ‘midangte tana malsawmna’ tih chu ropui a tih thu leh chumi nena inhmeh tak Chalfilh tlang tui hna humhalh leh ngaw siam hmalak mek chhunzawm tura hma lak an rel chu lawmawm a tih thu a sawi a ni.
Conference-ah hian MUP Gen Hqrs vice president RK Thanga pawhin thu a sawi a. Chalfilh Area-ah hian MUP Branch 7 leh member 769 an awm atangin palai 184 an tel a ni.
Thangtharte Mizo nunphung ngaihsan tir leh an ngai – Education minister
Get real time updates directly on you device, subscribe now.
Prev Post
Next Post