Ghanian environmental activist leh forestry zirlai, Abubakar Tahiru, kum 29 chuan darkar khatah thingkung 1,123 a kuah lawr hman a, Guinness World Record a siam. Abubakar hian minute khatah thingkung 19 vel dawn zel kuah lawr hman ang a ni.
Abubakar hi Tepa, Ghana a kuthnathawktu chhungkua atanga seilian a ni a, siamtu kutchhuak a ngainain a vawnhim leh venhim lamah pawh a tui hle a, Ghana-a university atangin forestry-ah undergraduate degree a lak hnuah Alabama, USA-ah a pem a, Auburn University-ah forestry-ah master degree a bei leh mek a ni.
Abubakar hian Tuskegee National Forest-ah record siam tum hian a bei a, helai hmun i Alabama-ah national forest thingkung tam zualna pali zingah a tel pha nghe nghe a ni.
Record siam tura Guinness World Records guideline-ah chuan thingkung hi kuahin, a ban pahnihin a pawm bet tlap tur a ni a, thingkung pakhat kuah nawn awih a ni lo a, a thingkung kuah chu a tihmelhem tur a ni lo bawk.
Abubakar chuan a harsa a tih ber chu rang taka chetsawn zung zung ngai chu a nih thu sawiin, “Rin aiin a hahthlak daih mai,” a ti.
Abubakar hian second thumah thingkung pakhat kuah man zel ang a ni a, hetiang record hi a la awm ngai loh avangin Guinness World Records chuan record siam tur chuan thingkung 700 tal kuah hman a ngai an ti a, hei hi Abubakar hian a khum chiang hle a ni.
Thing kuah lawrin record siam
Get real time updates directly on you device, subscribe now.