Thingfian tê ber siam

Thing hmangin fian tê reuh tê an siam a, Guinness World Record-in khawvela thinga siam fian tê berah a puang. He thingfiante hi microartost Shashikant Prajapati ker a ni a, thing ker nana hman thin chemte leh inzaina hmanrua (surgical tool) hmangin, thing sakhat atangin a ker a ni.
He thingfiante hi 1.6mm (inches 0.06) leka sei a ni. Reord siam thei tur chuan fian-in a neih ang zawng zawng a kim ve biai tur a ni a, a fawng leh a fian khuar lai te pawh a awm ve vek tur a ni.
Guinness World Record chuan Prajapati hian hetiang thingfiante siam tum hian a bei nasa hle niin an tarlang a, fian 10 vel a siam hnuah record siamna tur khawpa tê hi a ker puitling thei ta chauh a ni.
Prajapati chuan, “Fiante 2mm aia te siam chu a har khawp mai, vawi tam ka hlawhchham hnuah ka hlawhtling ve thei chauh a ni,” a ti.