Thingpui hi taksa hrisel nan a tha an ti teh fo a, eng nge a that dan tih erawh kan hrechiang hlawm kher lo ang. Tun tumah hian Times Of india health section-in thingpui sen thatna nia an sawi te kan rawn tarlang e.
Thingpuisen (black tea) hi green tea ang bawkin thing chikhat camellia sinesis atanga siam a ni a, green tea a tha chu tih chu tlang hriat a ni a, chuvangin black tea pawh taksa hrisel nan a tha. An siam dan kalhmang a inang lo tih mai a ni.
Thingpuiah hian fluoride a tam hle a, chu chu ha leh ruh tichaktu leh tihriseltu tha tak a ni. Thingpuiah chuan apple-a awm ang flavonoids pawh a tam hle. Green tea ang lo takin black tea chu in tura kan siam chiah hian amaha antioxidant awm zawng zawng a tichhuak nghal vek a, kan taksain bacteria a dolet theihna a tihchak mai bakah kan taksain natna a dolet theihna (immune system) pawh a tichak thei.
Thingpui kan in hian kan taksaah tuiril a lo tam a, thingpui no khat kan in pawhin kan vun a tihnawng a, chu chu vun hrisel nan a tha hle. Thingpui chuan kan hormone level a siam tha a, stress nasa lutuk tur pawh a veng thei. Anti-inflammatory a nih bakah chaw paitawihna lam a tichak thei bawk. Cholesterol level a siamtha a, chuvangin stroke risk pawh a tihniam thei.
Thingpui chu a sen hang a in a tha ber a, a thatna tak tak dawng pha tur chuan regular taka nitin no 3-4 vel inziah theih a tha.
Thingpuisen thatna
Get real time updates directly on you device, subscribe now.
Prev Post
Next Post