Thla chawhnu lamah test apiangin hri vei awm
Thla chawhnu lamah test apiangin hri vei awm
April thlaah Covid-19 hri vei an pung leh a, thla chawhnu lamah phei chuan ni tin deuh thaw hri vei an awm bakah test an awm apiangin hri vei an awm.
April ni 15-ah test a awm lo a, chumi hnuah ni 23 thlengin hri vei hriatchhuah thar an awm ziah. Ni 24-a result chhuakah hri vei an awm lo a, hemi ni-a result chhuak hi ni 23-a endik niin, hemi ni hian test an awm lo. Ni 25 leh ni 27-ah hri vei hriat thar an awm leh nghal bawk.
April ni 22-ah phei chuan hri vei hriatchhuah thar zat hi 15 a tling a, ni 26-ah 17 a tling bawk.
February ni 28 khan hri vei hriatchhuah thar pakhat a awm a, hei hi kumina a hmasa ber niin, nikum December ni 12 hnua Mizorama hri vei an awm leh hmasak ber a ni.
March ni 2-ah mi pahnihin an vei tih hriatchhuah a ni leh a, April ni 1-ah pakhat a awm leh. Chumi hnuah April ni 13-ah mi pahnihin an vei tih hriatchhuah a ni leh. Ni 14-ah hri vei thar pahnih an awm leh a, ni 15-ah test a awm lo. Chumi hnuah a pung ta zel a ni.
April ni 22-a mi 15 hriatchhuah an nih khan, nikum November ni 10 hnua hriatchhuat zat a tam ber tum a ni a, ni 26-ah a aia tam (17) hriatchhuah a ni leh bawk.
April ni 27-ah hian Mizoramah hri vei enkawl lai mi 40 an awm a, an vai hian Aizawl district mi an ni.
Tun thlaa hri vei hriatchhuah zat
Ni 1-ah 1
Ni 12-ah test lo
Ni 13-ah 2
Ni 14-ah 2
Ni 15-ah test lo
Ni 16-ah 3
Ni 17-ah 1
Ni 18-ah 2
Ni 19-ah 3
Ni 20-ah 1
Ni 21-ah 4
Ni 22-ah 15
Ni 23-ah 4
Ni 24-ah test lo
Ni 25-ah 1
Ni 26-ah 17
Ni 27-ah 2