Thleibik nei lo BJP sawrkar
chungah BJP-in lawmthu sawi
Central BJP sawrkar kaihhruaina hnuaia Union Home minister Amit Shah-in Mizoram hmasawnna tur ruahman lawk anga a hawng thei leh thleibik nei loa rualkhai taka hmasawnna a kalpui chu lawmawm an tih thu BJP Mizoram chuan an sawi.
BJP Mizoram Pradesh thuchhuak chuan, BJP sawrkar Narendra Modi kaihhruaina hnuaiah India ramin nasa taka hma sawnin, khawvel hmuhsit ni thin kha khawvel leader thaa thlanchhuah Prime minister kan nei thei ta chu central BJP sawrkar ropui zia lanna a ni, tiin, ‘BJP sawrkarin India ram min kaihhruai dan leh ram a enkawl dan en hian, mirethei leh hnuaihnung zawkten leirem kan rap ve thei ta te, hausa leh rethei kar zau lutuk tur an siamtha te hi a lawmawm hle a. Mizoramah pawh mirethei tam takin PM scheme hrang hrang kan dawng thei ta hi a lawmawmin, central BJP sawrkarin mirethei a ngaihsak zia kan hmuh hian a lawmawm kan ti hle a ni,’ a ti.
Chuvangin Mizoram mipui chhungkawtinten hmasawnna kan neih theihna’n leh mahni kea kan din theihna’n MLA inthlanpuiah ngaihtuahna fim tak nen BJP sawrkar kan thlan a, central BJP sawrkarin Mizoram tana hmasawnna lungphum an phum ang hi, BJP sawrkarna state kan nih hunah chuan a aia nasa, NE state dangten development an hailuh ang kan ram milin kan lalut ve dawn tih a sawi.
Thleibik nei lo BJP sawrkar chungah BJP-in lawmthu sawi
Get real time updates directly on you device, subscribe now.
Next Post