Thu thehdarh fimkhur turin ngen

Thu thehdarh fimkhur turin ngen
Mizoram Journalists’ Association chuan Manipur-a buaina thleng mekah thu thehdarh lama fimkhur turin mitin an ngen.
MJA Gen. Hqrs. thuchhuak chuan, Manipur-a tribal leh non tribal inkara inhriatthiam lohna thlengah tharum thawhna chi hrang hrang a thlen chu pawi a ti takzet tih sawiin, he buaina avanga thi chhungte, hliam tuarte, in leh lo chante a tawrhpui tih a sawi. Nunna inhlut sak tur leh tharum thawhna lam chi titawp turin pawl hrang hrang a ngen tih a sawi bawk.
He thil thleng tih reh a nih theih nan tan la theuh turin mitin a ngen tih a sawi a. Print media, electronic media leh social media-ah te chi leh chi inhuatna tizual thei thu leh thlalak thehdarh lo tura ngenin, Manipur-ah boruak muanawm leh tha tak a awm leh thuai an duhsak tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More