Thawhleh (2 January, 2025) zing khan Tibet tlangram lirnghingin a nuai avangin mi 95 in nunna an chan a, mi 130 chuang in hliam an tuar bawk niin Chinese state media te chuan an tarlang.
Lirnghing hian Tibet holy city Shigatse chu zing lam dar 9 velah nuaiin lirnghing natlam chu 7.1 magnitude niin leihnuai thuk tak 10km velah a nghing tan niin US geological Survey te chuan an sawi a, a hnuah aftershock a thleng nawn awn awn bawk.
Lirnghing hi Tibet mai ni lo thenawm ram Nepal leh India hmun thnekhatah pawh hriat a ni bawk. Heng lai bial vel hi lirnghing thlen zin em em na a ni.
Shigatse hi Tibet a khawpui pawimawh ber pawl niin Dalai Lama tih loha Tibetan Budhism a spiritual authority nei sang ber Panchen Lama thuthmun a ni.
Lirnghing intanna Tingri county chu Mount Everest lawn chhuah tum tena bultan nana an hman hmunpui niin tourist tam rengna a ni bawk a.
Lirnghing vang hian Tingri atanga Mount Everest thlir tura ruahmanna siam te pawh thulh nghal vek niin sightseeing area te pawh khar nghal vek a ni bawk a.
Chinese media te chuan lirnghing natlam chu6.8 magnitude ti thungin chenna In 1,000 chuang a tichhia tiin a sawi ve thung.
Jiang Haikun, China Earthquake Networks Center a researcher chuan lirnghing magnitude 5 vel la awm thei a nih thu sawiin mahse lirnghing nazawk awm theihna chu a tlem rih tiin a sawi.
Tibet hi China chuan kum 1950 chho khan runin a awp zui a, tun hnaiah nasa zawka thununin media leh internet access te thlengin a khuahkhirh hneh hle a ni.
Tibet lirnghing-ah mi 95 in nunna chan
Get real time updates directly on you device, subscribe now.
Next Post