South Korea president nilai Yoon Suk Yeol an luhlul chhuah zui zel

South Korea suspended president Yoon Suk Yeol chuan luhlul la chhuahzelin a chenna in ah a la tawm tlat a, chutihlaiin investigator te chuan martial law a puan ngawt avanga amah an manna thupek chu pawhsei tumin hma an la bawk.
Karkalta Zirtawp khan Anti-corruption investigator te chuan man tumin hma an la , mahe, presidential security guard te chuan Yoon chenna hmun hi veng taltin luhtheihin an siam lo a ni.
Yoon security team te chuan barbed wire hmangin a chenna in compound te chu an pingphui tlat bawk.
Investigator te chuan police te chu manna thupek pawtsei turin an ngen ta ringawt a. Mahse, police te chuan chu chu hnawlin dan kaihhnawih a nih avangin anti-corruption investigator te hmalakna te an ti ve thung.
South Korea ah chuan mi sang tam tak te Yoon thlawptu leh duhlotute chuan khawvawt hnuaiah lungawilohna an lantir bawk a.
South Korea ah hian Yoon chuan North Korea vauna leh ‘anti-state forces’ tih chhuanlama hmangin martial law a puan atangin political crisis in a nuai ta reng a ni.
Yoon lawyer te chuan manna thupek chu dan kalh a ni tia sawiin anti-corruption investigators te chuan heltumna lam kaihhnawiha ngaihtheih criminal case turu tak chhui thei turin thuneihna an nei lo an ti bawk.
Chutak chu presidential security services (PSS) te chuan Yoon man an remtihloh nana hmatheha an hman a ni bawk a. Yoon chu constitutional court in a impeachment chungchangah thutlukna a siam hma chuan president ni lai a la ni reng an ti ve thung a ni.
“PSS te thil tum ber chu president him taka siam a ni a, dan hmanga inkhinna awm mek laia president Yoon lo man tir chu an duty tihhlawhchhamna angah ngaih a ni” tiin security service chief Park Jong-joon chuan a sawi a. Park chuan a team te chu Yoon tana ‘private militia’ anga awm tia an puhna chu a hnawl bawk.
Yoon lawyer te chuan investigator te laka complaint an siamah Yoon chu a chenna hmunah chhuak thei lova siam a ni an ti ve thung a.
Hetihlai hian acting president Choi Sang-mok chuan opposition tena Yoon man a nihna daltu security official te man tura an nawrna chu a hnawl bawk a.
Opposition lawmaker te chuan investigator te chu Yoon man tum turin an nawr leh tiin sawi a ni bawk.
Hei bakah hian investigators te chuan detention warrant thar an dil theia mahse judge in phalna a pek ngai a ni thung a. Chumi hmang chuan Yoon chu darkar 48 chauh ni lo ni 20 lai an kawl phah thei thung ang.
South Korea politics buaina hian ram pawn lam thlengin nghawng a nei a. Thla kalta thleng khan Biden administration chuan North Korea leh China security threat chungchangah Yoon hmalakna chu a fak a. US chuan South Korea in Japan nena inlaichinna an neihte siamthat tumin ram pathum te chuan tangruala thawhhona tha zawk neih tumin hma an la bawk.
Yoon chuan martial law a puan dawn khan US a hrilh lawk sa lova chuvang chuan Washington chuan ti lo tur emaw in nawr theihna hmana nei lo.
Tun hnai lawkah US Secretary of State Antony Blinken chuan Seoul a tlawh a, acting South Korea president leh foreign minister te a hmu a. Mahe, South Korea politics buaiah inhnamhnawih duh lovin Biden administration zawh fel hnua Seoul. Washington leh Tokyo te la thawhho theih zel dan tur lam a thlurbing zawk.
Seoul a press conference a neihnaah pawh Blinken chuan US chuan South Korea institution te ah rinna a nghat tia sawiin US sorkar chuan Korean mipui te chu an institution humhimna lama an thawhnaah a thlawp tlat dawn tiin a sawi bawk.