Zirtawpni zing khan NBA Conference play-off khelh chhunzawm a ni a, Minneso Timberwolves chuan Golden State Warriors an hneh a, series ah 1-1 a ni chiah.
Minnesota Timberwolves hian semi-final thawhkhatnaa an hneh loh Golden State Warriors lakah an khel tha viau a, quarter li an khelh chhungin chungnung zawkah an tang vek. Quarter khatnaah point 14 ngawta an chungnun hnuin quarter hnihnaah point 3 in an chungnung zui leh a, point 17 zeta hmahruai chungin chawlhlawk an hmang.
Chawlhlawk hnu lamah Timberwolves an khel tha chhunzawm a, quarter thumnaah point thuma an chungnung hnuin quarter hnuhnung berah point liin an chungnung zui leh bawk a, Golden State Warriors lakah hian point 117-93 in hnehna an chang zui ta a ni.
Western Conference semi-final thawh hnihnaah hian Golden State Warriors player pawimawh Stephen Curry chu hliam vangin a inlan thei lo. Curry a tel loh vangin Warriors game in ngai a awh phak lo. Warrios an hneh tum hian TimberWolves tan Julius Randle chuan point 24 a thawkchhuak a, Anthony Edwards leh Nickeil Alexander-Walker ten point 20 ve ve an thawkchhuak ve bawk.
Timberwolves in Warriors an nihrual
Get real time updates directly on you device, subscribe now.
Prev Post
Next Post