Tlawmngai pawl Zawlbuk dintu boral

Myanmar-a Zofate tana pawl \angkai, Zawlbuk dintu Lalchhawnzova Tuallawt chu kar hmasa Zirtawpni khan Aizawlah a boral a, a ruang hi Tahan panpui niin, Chawlhni khan vuiliam a ni.
1970-a piang Chhawnzova hi Tahan “B” Group venga cheng a ni a, an inah Zawlbuk hian office neiin, Zawlbuk pawlin mi mangangte an \anpuina tur thil hrang hrang pawh an inah hian dahkhawm a ni. Tahan leh a chhehvela a mamawhte hman tur oxygen te ngaihtuahin mi dang \anpui nan an hmang a, hei hi Zo hnahthlakte’n an \angkaipui hle.
Pawla a inhman avang hian sipai sorkarin chhuanlam ho te te hmangin an man fo a, lung in pawh a tang fo. Covid-19 hrilen vanglai pawhin mi dang \anpuiin a thawkchhuak \hin a, 2020 Krismas ni pawh khan PPE ha chungin Zawlbuk-a a thawhpuite nen puih ngaite an pui a ni.
Mizoram a\anga Tahan-a zinte pawhina an belh ber a ni a, |iau chhak leh |hiau thlanga Zofate thlungkhawmtu pawimawh a ni.
Kal \ha lo leh natna dang vangin Aizawlah hun engemaw chen a inenkawl a, Zirtawpni khan a chawl ta a ni.