Tommy Richman ‘Million Dollar Baby’ a lar ber

Tommy Richman ‘Million Dollar Baby’ chu Billboard Global 200 chart-ah No.1 niin, kar khat chhunga khawvel huapa hla lar ber a ni a, Richman hla he chart-a No.1 kai thei hmasa ber a ni. Hetihrual hian Billie Eilish pawhin cart top-10 a hla pathum a rawn debut pui bawk e.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Tommy Richman ‘Million Dollar Baby’ hian stream maktaduai 109 leh sales 8,000 neiin, hei hi chart No.2 atangin No.1 a kaipui ta a ni. Richman hian Billboard chart hrim hrimah ‘Million Dollar Baby’ bak hla lang thei a la nei lo va, hetianga Billboard chart hrim hrima vawi khat lannaa Billboard Global 200 chart-a No.1 ni tei pathumna a ni a, GAYLE leh Jawsh 685 te hnung a zui ve ta a ni.
Chart No.1 hlui Post Malone ‘I Had Some Help’ featuring Morgan Wallen chu No.1 atangin No.2-ah a tawlh a, chart No.1 hlui bawk Kendrick Lamar ‘Not Like Us’ chu No.3-ah bawk a la awm.
Billie Eilish album thar ‘Hit Me Hard and Soft’ a hla pathum chu chart top 10-ah langin, ‘Lunch’-in stream maktaduai 95.3 neiin No.4-ah a debut a, ‘Chihiro’-in stream maktaduai 77.1 neiin No.6-ah a debut a, ‘Birds of a Feater’-in stream maktaduai 64 neiin No.8-ah a debut bawk. Eilish hian he cart top 10-a lang thei hla pasarih a nei tling ta a ni.
Billboard Global 200 Top 10:
1 Million Dollar Baby – Tommy Richman
2 I Had Some Help – Post Malone Featuring Morgan Wallen
3 Not Like Us – Kendrick Lamar
4 Lunch – Billie Eilish
5 Espresso – Sabrina Carpenter
6 Chihiro – Billie Eilish
7 A Bar Song (Tipsy) – Shaboozey
8 Birds Of A Feather – Billie Eilish
9 Beautiful Things – Benson Boone
10 Too Sweet – Hozier