Tourism director atana ruat a bang

Tourism department director charge la tura sawrkarin a rawih nawn R Lalrodingi chuan May 28 khan chief minister hnenah a ban thu ziakin a thlen.
Chief minister hnena thu a thlen danin, Tourism department director post a chelhtir chungchangah MZP-in na taka a dodal avangin ni thum office hna kal thei loin an awm tawh a. Hna tithuanawptu leh sawrkar pawhin duhsak uchhuak nei anga lang thei tura a awm ta chu dikin a hre loa, he hna atang hian la sawn mai turin a ngen tih a sawi.
Chutihrualin departmental officer post a nihna erawh humhim theih hram dan awm se, tiin a ngen a. A service hun tawp lam Tourism department-a a dah avangin chief minister hnenah hian lawmthu a sawi a. Tunah erawh dodalna a nasat avangin a bang tih a hriattir thu a thlen a ni.
Hetiang a nih avangin Mizo Zirlai Pawl pawhin an duhlohna lantir mek chu an titawp a. Kal zel dan tur rela Ninagnia thutkhawm an tum pawh an thulh.