Travis Scott album ‘Days Before Rodeo’ a No.1

On Sep 24, 2024 18 0

Travis Scott album ‘Days Before Rodeo’ chu a vinyl edition an zawrh chhuah hnuah Billboard 200 (albums) chart No.106 atangin No.1-ah a invawrh thar leh a, modern era-a rap album awm tawh zawng zawnga kar khat chhunga vinyl hralh tam ber a la ni.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album tlukpui leh album-a hla mal hralhna atanga album tlukpui te belhkhawm thin a ni.
Travis Scott ‘Days Before Rodeo’ hi 1,56,000 hralh lehin, chung zinga 1,49,000 chu vinyl sales a ni a, Scott album zinga vinyl-a kar khata an hralh that ber a la nih bakah rap album-ah pawh kar khat chhunga vinyl-a hralh tam ber niin, genre hrang hrang pawh huam chuan kar khat chhunga vinyl ralh tamah prukna a ni.
Travis Scott hian No.1 album pali a nei tling ta a, 2023 khan a album Utopia chu No.1 kaiin, 2018-ah Astroworld leh 2016-ah Birds in the Trap Sing McKinght te a lo No.1 pui tawh bawk.
‘Days Before Rodeo’ hi 2014 khan a man nei loin tlangzarh a ni a, August ni 23, 2024 khan lei theihin an tlangzarh thar leh a, September thla tir chart-ah pawh No.2 a kai nghal, September chawlhkar hnihnaah chuan No.30-ah tawlhin, a kar thumnaah No.106-ah a tawlh a, a kar linaah No.1 a kai ta a ni.
Sabrina Carpenter ‘Short n’ Sweet’ chu 1,08,000 hralh lehin, kar thum a No.1 hnuah No.2-ah a tawlh a, Chappell Roan ‘The Rise and Fall of a Midwest Princess’ chu 64,000 hralh lehin No.3-ah bawk a la awm a, chart No.1 hlui Post Malone ‘F-1 Trillion’ chu 60,000 hralh lehin No.2 atangin No.4-ah a tawlh a, chart No.1 hlui bawk Morgan Wallen ‘One Thing at a Time’ chu 52,000 hralh lehin No.4 atangin No.5-ah a tawlh a, chart No.1 hlui Taylor Swift ‘The Tortured Poets Department’ chu 51,000 hralhin No.5 atangin No.6-ah a tawlh ta bawk.
Chart No.1 pawh lo ni tawh Eminem ‘The Death of Slim Shady (Coupe de Grace)’ chu a deluxe reissue leh CD tlangzarh tar avangin harlh a kal thar leh a, 48,000 hralhin No.42 atangin No.7-ah a invawrh thar leh ta a ni.
Billie Eilish ‘Hit Me Hard and Soft’ chu 44,000 hralh lehin No.6 atangin No.8-ah a tawlh a, Noah Kahan ‘Stick Season’ chu 38,000 hralh lehin No.8 atangin No.9-ah a tawlh a, Zach Bryan ‘The Great American Bar Scene’ chu 38,000 tling lo deuh hralh lehin No.7 atangin No.10-ah a tawlh ta bawk.