Treasurer bang ta tel lovin Congress thukhawm

Treasurer bang ta tel lovin Congress thukhawm
May ni 3, Nilaini khan Mizoram Pradesh Congress Committee (MPCC) Executive Committee an thu a, tun hnaia treasurer atanga bang Zodintluanga Ralte tel lovin an thu.
Executive Committee-ah hian member 70, mipa 50 leh hmeichhia 20 an awm a, tuna ding lai hi 2019-a thla tlin an ni.
Tun hnaia treasurer atanga bang Zodintluanga Ralte chu Nilaini-a an thutkhawmah hian a tel ve ta lo a, a banna chungchang erawh an khel.
Treasurer atanga a banna hi pawm fel a lo ni tawh a, chumi hnua Executive Committee thutkhawm hmasak berah hian a tirah chuan meeting kaihruaitu MPCC vice president Lal Thanzara’n a thuphunga sawiin, an pawmpui tih lantir nana ban phar a rawt a, chu chu member thenkhatin lo hnialin an sawiho zui ta a ni tih thu dawn a ni.
Member thenkhatin pawi an tih thu te an sawi a, a sawitu tam berin inpumkhat a tul thu leh chu chu an mamawh thu an sawi tih thu dawn a ni.
Meeting kaihruaituin an inpumkhat nia sawiin, treasurer banna pawm a nih thu pawh president Lalsawta’n thuthar lakhawmtute hmaa a puan thu leh, hemi tum hian treasurer atanga bang ta pawh a tel ve thu te, an pahnihin thuthar lakhawmtute an kawm dun tih te a sawi. Thuthar lakhawmtute hnena an pek press handout pawh president leh treasurer bang ta hian an duang dun niin a sawi bawk.
Meeting hi an president-in a kaihruai lo a, vice president kaihhruaia an thutkhawmah hian president hi a ding miah lo tih thu dawn a ni.