Tribal Research Institute leh
hnathawh dangte minister-in en
Kelsiha Tribal Research Institute leh Ropuiliani Freedom Fighter Museum sak mek chu Social Welfare & Tribal Affairs minister Er Lalrinawma chuan Thawhlehni khan endikin, Sumsuih leh Tuirial inkar kawng siam mek chu a hmun a endik bawk.
Minister chuan heng hmun a tlawhnaa lo dawngsawngtute hnenah an hnathawhte chu ram tana an tih theih a ni tih hrerenga tha tak leh uluk taka thawk turin a hrilh a, hmasawnna atana ruahhmanna leh rawtna chu khawtlang hruaitute leh department leh thawktute nen tha taka sawiho hmasak hian rah tha a chhuah thin tih a sawi a ni.
“Ram rotling siam hi midang tih tur a ni bik loa, mimal tinin kan tih theih a ni tih hre nawn theuh ang u,” Er Lalrinawma hian a ti.
Sumsuih to Tuirial kawng chhun leh Kelsiha hnathawhte hi India ram danpui Article 275 hnuaia thawh mek niin, minister hian hnathawh dante a en a ni.
Tribal Research Institute leh hnathawh dangte minister-in en
Get real time updates directly on you device, subscribe now.