Zo Reunification Organization (ZORO) chuan Zofate, tribal tan sawrkar inrelbawlna hran dil mek chu a thlawp tih a sawi nawn.
ZORO Gen. Hqrs. thuchhuak chuan, Manipur-a Zofate tih chimih leh nuaibo tumna kal meka Meitei ho hmalakna chuan zual lam a pan zel tih sawiin, Meitei chief minister leh a thawhpui minister leh party lama mite bakah Meitei khawtlang hruaitute chuan Zofate leh Meitei chu inrema chenho an duh lo a; an ram chuhpuia dan loa pemlut, tia dawta puhin nuai chimih an tum chhunzawm zel tih a sawi.
Zofate leh Meiteite chu thla hnih liamta khan an inthen fel tawh tih ZORO hian sawiin, inremna kawng hawi turin hmalak ngaihna a awm thei tawh lo a. Zofate leh Meiteite ram inrelbawlna pakhat hnuaia dahkhawm reng tum chu thil theih a ni lo tih a sawi.
‘Manipur sawrkar leh police-te chu Meitei thuhnuaiah an awm a, dan mumal a awm loin, thil nihphung a buai vek a. Meitei ho nunrawng taka Zotlangval David Thiek lu an tan chu Zofaten entikah mah an theihnghilh tawh dawn loh avangin Meitei leh Zofate hi sawrkar pakhat hnuaia awmho thei kan ni tawh lo,’ a ti.
ZORO chuan Manipur-in a awp mek Zofate a hnam anga nuaibo an tumna atanga dam khawchhuak tura an beihnaah leh Manipur rorelna laka la hrang tura India sawrkar an ngen mek chu an thlawp tih an puang nawn tih a sawi a ni.
Tribal tan inrelbawlna hran kan thlawp tih kan sawi nawn – ZORO
Get real time updates directly on you device, subscribe now.
Next Post