Trump-a’n Biden debate-ah cho hle

Donald Trump chuan Joe Biden chu TV debate-ah cho-in Super Tuesday hnuah an pahnihin November thla inthlanah an inhmachhawn leh ngei dawnin a lang.
Republican nominee nih tum Trump chuan TV forum ah Democratic president chu ‘eng hunah pawh, eng hmunah pawh, khawi hmunah pawh’ debate ah a cho thu hawrawppuia ziakin a tarlang a ni.
Biden campaign lam thung chuan Trump chu ‘ngaihsak phuta tuihal leh a hmalakna te ngaisak hlawk lo’ tiin an sawi ve thung a. November thla inthlan hma in debate neih hun turah inremna siam a la ni lo bawk.
Hetih lai hian Trump aia Republican nominee nih tuma hma la Nikki Haley chuan White House luah tura nominee nih a tumna ata a inhnukdawk thung a.
“Kan ram that nan Joe Biden leh keiin America leh American mipui te tana thil pawi mawhah kan debate a ngai a ni,” tiin Trump chuan a social media website Truth Social ah Haley inhnuhdawh hnu lawkah a post a ni.
Debate te chu Democratic National Committee emaw Commission on Presidential Debates te kum 30 chuang presidential debates huaihawt tawh te chuan an ruahman thei tiin a sawi bawk a.
Trump chuan debate commission tan bik nei lova ngaih te chu conservative te chuan awn lam neiah an puh a, Democratic party hnuaia awmah an ngai tiin a sawi bawk.
Kum 77-a upa Trump chuan kum 81-a upa Biden chu upa tawh lutuk tiin a sawi a, Biden thung chuan Trump chu u zawk tiin a kap let ve hlauh thung.
Biden campaign team te chuan Trump an debate pui dawn em tih an la sawi lo va, “a hun a zir zelin hmalakna kan nei mai ang” tiin Biden campaign communications director Michael Tyler chuan a sawi.
“Trump hian President Biden hmel a hmuchak ngang a nih chuan American maktaduai tel te zawmin naktuk zana State of the Union address a neih a lo en ve thei ang” tiin Michael Tyler chuan a sawi.
Donald Trump hi White House nomination a hmuh theih nana a Republican pui te nena TV debate duh lova hnawl tawh ni thungin chuvang chuan nasa taka sawiselin a awm thung a ni.