Kum 2021 September 6 zana Lunglei Chanmari Venga mi thattu Lalchawimawia chu court-in thiam loh chantirin hreawm taka damchhung lung ina tang tur leh Rs. 5,000 chawi turin a hrem.
Lunglei District Court District & Sessions Judge TL Guite chuan Lalchawimawia hi kar kalta, June 14 khan he thubuai ngaihtuahnaah hian thiam loh a lo chantir tawh a; June 20 khan hremna tur hi a tichhuak a ni. Hei bakah hian dawr rawk thubuaiah kum 8 tang tur leh Rs. 5000 tho chawi turin court hian a hrem bawk a. Heng hremna pahnih hi khaikhawmin, damchhung hreawm taka lung in tan leh Rs. 5000 chawi tura tih a ni a. Sum chawi tur hi a pe thei lo a nih chuan thla khat dang lung in tan belh turin a ti.
2021 September 6 zan dar 7 vel khan K Vanlalduati, Chanmari Lungleia maxi cab counter (Duati Counter) nghaktu chu counter chhungah amaha a awm laiin chemtea vih a ni a, ka pawh chhawn lohin a thi. A dawr a\ang hian thil \henkhat rukbo a ni.
Pawikhawihtu hi police-ten chhuizui nghalin, pawikhawihtu nia hriat Lalchawimawia (24), Tahan ‘F’ Group Myanmar chu September 28 khan Lunglei Luangmualah man a ni a. 2022 January 19 khan court-ah chargesheet an thehlut a, February 16 a\angin thubuai ngaihtuah \an a ni.
Tualthah thua thiam loh chantir tak Lalchawimawia hi tunhnaia District Jail Lungleia a huhoa tang tlanchhuak zingah khan a tel a, a hnuah man leh a ni.
Tualthattu damchhung tang turin hrem
Get real time updates directly on you device, subscribe now.