Tuialhtheiah chhiah cheng vbch 52 chuang hmu tawh

Mizoram sorkarin petrol leh diesel-ah chhiah (cess) a la a, pawisa kum (financial year) kal laiah he chhiah hi cheng vaibelchhe 52.38 vel a lut tawh.
Pawisa kum kal lai 2026-27 chhungin petrol leh diesel-ah chhiah (cess) Rs 52,38,77,314 hmuh a ni tawh; road maintenance cess- Rs 26,19,38,657 hmuh a ni tawh a, social infrastructure & services cess Rs 26,19,38,65 hmuh a ni tawh bawk. Belhkhawmin Rs 52,38,77,314 (cheng vaibelchhe 52.38) a ni.
Tuialhthei atanga chhiah lak hi 2024 September-ah tan a ni a, petrol leh diesel man litre-ah Rs 4 ve vea tihsan niin, Rs 2 chu road maintenance cess niin, Rs 2 dang chu social infrastructure & services cess a ni.
Chhiah lak tan kum 2024-25 khan Rs 26,50,25,156 (cess pahnihah Rs 13,25,12,578 ve ve) hmuh nghal a ni a, 2025-26-ah Rs 91,30,92,084 (cess pahnihah Rs 45,65,46,042 ve ve) hmuh niin, kum kal laiah thla nga chhungin Rs 52,38,77,314 hmuh a ni. Tuialhthei atanga chhiah hmuh tawh zawng zawng hi Rs 1,70,19,94,554 a ni.
Taxation department-in chhiah an lak chhiah chi dang ang bawkin tuialhthei atanga chhiah hmuh hi financial year kal laiah a pung lo a, financial year kal laiah April atanga August thlengin a thla hmasa ber April kha a tam ber thla a la ni.
2026-07 chhunga chhiah lut tawh zat
Thla Road Maintenance Social Infrastructure & Services
April-ah Rs 12,51,46,232 Rs 12,51,46,232
May-ah Rs 1,11,01,391 Rs 1,11,01,391
June-ah Rs 63,63,346 Rs 63,63,346
July-ah Rs 10,98,90,678 Rs 10,98,90,678
August-ah Rs 94,37,010 Rs 94,37,010
Total Rs 26,19,38,657 Rs 26,19,38,657