Tuilian tuar nasa Polish

Polish ram chuan tuilian tuar nasa hle in, Polish city mayor chuan chenna in 44,000 chuang tuilian hian a chim tawh thu a sawi a, an ram chu dinhmun tha lo takah a awm mek thu a sawi.
Nysa mayor Kordian Kolbiarz pawhin mipuite hmun sang lamah an insawn chhoh thu a sawi a, tuilian chuan kiam lam a la pan theih meuh loh thu a sawi bawk.
Ram khawpui Budapest chuan Dabude lui kalpawhnate chu khar a nih thu sawiin, kar liamta atang khan tuilian hian zual lam a la pan deuh deuh niin a tarlang bawk.
Kolbiarz, Nysa mayor chuan, “Khawngaihin i ngaihtuahna, i taksa, i tanpuina kha mamawhtute hnen rawn thlen teh. Building chhawng sanga awmte pawh an tan a him chuang lo a, hmunsang zawng lo thei lo erawh an ni si. He tuilian lak ata hi i theihna, tanpuina rawn hlan teh,” tiin thu a chhuah hial a ni.
Polish PM Donald Tusk chuan pound mtd 197 chu he tuilian tuartute tan hian dah a nih tawh thu a sawi a, Poland pawhin EU relief fund an dawn belh thu a sawi bawk.
Mi sang chuang fe chu Poland lamah kalin, Nysa khawpuia hospital tam taka chhanchhuahte dah an ngaih avangin a tawt phah hle bawk. Khawpui chhunga lirthei leh rel hmanga inkalpawhna a buai nasa hle bawk a, hei hian kawng tam takah chhanchhuah hna thawktute chet velna a tihkhaihlak nasa hle bawk a ni.