Turkish get-up record siam

Turkish get-up record siam
Performance coach Mike Aidala chuan Turkish get-up a chawi rit thei ber record siamin, pound 255 (kg 115.6) a rit a Turkish get-up pui thei. Record hi Denver, Colorado, USA-a a siam niin, veteran leh an chhungte chhawmdawl hna thawktu pawl Mission 22 tana sumtuak nana record hi siam a ni.
Turkish get-up chu exercise lak dan hahthlak leh harsa deuh mai a ni a. An mu phawt a, chutah an kut pakhatin thil rit an chawi a, an rit chawina ban chu chunglamah an timar a, Chuta an rih chawina lam ke chu tawmin, saisir zawngin an awm a, an rit chawi lohna lam banin an innem kang a, muang changin an tho chhuak a, an ding ngil a, chumi hnuah an din chhuah dan step ngai chiah a let zawnga tiin an mu leh thin.