UCC hi Modi sorkar agenda : Law minister

Union Law Minister Arjun Ram Meghwal chuan Uniform Civil Code (UCC) kalpui chu Narendra Modi sorkar agenda a ni a ti.
BJP sorkar hmasaa a portfolio tho chang leh tu Meghwal chuan executive leh judiciary-ah ngaihdan inang lo a awm tia sawi chu hnawlin Memorandum of Procedure (MoP) hmangin solution hmuh an beisei thu a sawi bawk.
MoP hi High Court leh Supreme Court judges te ruatna, kaisantirna leh transfer kalpui dan a ni a, executive leh judiciary-ah ngaihdan inang lo a awm avangin tihfel loha dahin a awm a ni.
“Solution kan hmuh theih ngei ka beisei” tiin Meghwal chuan Ministry of Law and Justice a chan hnuah a sawi zui a.
UCC chungchangah sorkar agenda a ni a ti bawk a. “One Nation One Election” chungchangah pawh Meghwal chuan President Ram Nath Kovind kaihhruaina hnuaiah committee din niin report pawh thehlut tawhin Law Commission in a enfiah mek a ti bawk.
Meghwal hian thuneihna a chan veleh national litigation policy pawh hming a ziah hnan nghal a. He policy document hi Narendra Modi 3.0 government 100 day agenda zinga tel niin Union Cabinet pawmpui tura thawn a ni zui ang.
Law Minister chuan a Ministry ngaih pawimawh ber tur chu Supreme Court, High Courts, lower courts, tribunal leh consumer court a justice tihchak a ni a ti bawk.