UK leh Germany in defence lama thawhdunna ziak

Britain leh Germany chuan UK sorkar in security, investment leh hnathawh tihpun tumna ‘landmark defence agreement’ an tih chu an ziak fel ta.
He an inremna ang hian German defence company Rheinmetall chuan UK-ah ralthuam siamna a hawng thei dawn a, hnathawktu 400 chuang a nei thei bawk dawn a ni.
Ram pahnihte hian drone leh hmun hla kap thei missile siam turin an thawkdun dawn bawk.
UK defence secretary John Healey chuan, ‘Vawiin hi UK leh Germany inlaichinna hun pawimawh tak, ram pahnihte tana mellung phunna ni pawimawh a ni,’ a ti.
UK-a German Ambassador, Miguel Berger chuan European Commission chuan kum nga chhungin defence lamah nasa takin hma a la dawn tih a sawi a, UK tan pawh inrawlhna tur tam tak a awm thu a sawi bawk. Hei hi an inremna tihhlawhtlinna leh lo inruahmanna zel a nih thu a sawi.