An ramin a runna kara tour inelna hmachhawn ve hram hram Ukrainian player-te a tawrhpui thu California lama tourna-ment a khelh mekna hmun atangin Daniil Medvedev chuan a sawichhuak.
“Khawvel puma remna leh muanna thlen duhtu ka ni a, chu thu chu tunhma lam pawha ka aupui thin tho kha a ni.”
Ukraine doa inthurual ram pahnih Russia leh Belarus atanga tennis player-te chu an ram hming chhawm tel loin men’s leh women’s tour lamah tel phalsak an ni mek a, Ukrainian player-te nen an intawnfuh tumin an leido player-te’n chibai an duh lo fo bawk.
Hetiang boruakah hian world number six Medve-dev chuan Ukrainian play-er-te dinhmun chu pawi a tih takzet thu leh an pal-tlang mekah hrehawm a tihpui thu sawi chungin mite’n indona behchhana engngemaw tal au-chhuahpui tura an phutna a chhanglet nghal.
“Ni ngawt mai, kan hun tawn meka ‘aw’ chhuah tur hian mawhphurhna kan nei a, mimal duhthlanna ni bawk mah se kan tawng-chhuak ngei tur pawh a ni ve bawk e,” tiin Ukrainian player-te tana ngaihthlak hrehawm lo thu sawi ngei a duh tih kum 27 mi Ru-ssian chuan a tarlang tel.
Tunkar tir lam khan Indian Wells-ah hian Ukraine player Lesia Tsu-renko chu Belarus lam chhuak Aryna Sabalenka nena intum tur an nih laiin a inhnukdawk daih a, chu chuan titi a siam laih.
Tsurenko leh Saba-lenka chungchangah erawh Medvedev a tawng chhuak duh ta lo a, an subject kal lai chu a tawngtu player pahnih-te sawichhuah tur nia a ngaih thu a tarlang.
Women’s world num-ber one ni lai Iga Swiatek pawhin nikum February thla atanga Russia-in a run Ukraine infiammite thlawp turin khawvel a lo ngensak ve tawh bawk.
Ukraine player-te lainat thu sawitu Medvedev
Get real time updates directly on you device, subscribe now.
Prev Post