Manchester United chuan kumin nipui lai hian Premier League season thar inbuatsaihna atan pre-season match engngemawzat khel turin United States an tlawh dawn tih Nilainia club thuchhuah chuan a tarlang.
United thuchhuah hian match khelh hun tur leh a hmun an tarlang lo a, mahse, chawlhkar reilote hnua an programme tarchhuah a nih tur thu an sawilang tel thung.
United football director John Murtough chuan, “Tun hi kum nga chhunga US kan tlawh vawikhatna tur niin, club chhunga mite’n chulam chu kan hawi mek a; kan hriat theuh angin Manchester United leh Premier League hrim hrim pawh hi US ram pumpuiah a lar chho chak hle a, chuvangin, kumin nipui thawt chhung ngei hian he ram nena kan inzawmna hi sawhngheh zel kan duh a ni,” a ti.
Fans lamin chhuak tura an nawr chamchi English club neitutu Glazer chhungkuain Old Trafford club hralh an duh thu an tichiang tawh a, an hralh a nih chuan sports huanga inremna hrawl ber a ni pha hial dawn!
Tun dinhmuna dawrtu (bidders) an hmuh tawhte zingah Red Devils fan kumhlun Jim Ratcliffe-a enkawl chemicals firm INEOS leh Qatari Sheikh Jassim Bin Hamad Al Thani telin, tu berin nge lei dawn a la chiang lo.
US lama pre-season training tur United
Get real time updates directly on you device, subscribe now.