Ukraine pui hnem ber US leh Germany te

United States chu Russia-in a runnaah Ukraine hnena \anpuina pelut hnem ber a ni chungin Soviet state hlui leh ex-Soviet satellite states te chu Kyiv thlawptu lian ber ber an ni bawk.
Ukraine leh Ukrainian refugees te puihna kawnga insengso hnem ber chu US niin pahnihna chu Germany a ni a.
United States chuan \anpuina pelut hnem berin military, financial leh humanitarian lamah February 24, 2022 a\anga May 31, 2023 thleng khan Ukraine hnenah 70.7 billion euros vel a pe tawh niin Germany- a inbun Kiel Institute for the World Economy te chuan an tarlang.
A pahnihna chu Germany niin 18.01 billion euros lawih pe tawhin ram anga a pek chu 10.68 billion euros niin European Union kaltlangin 7.33 billion euros a pe a ni. Pathumna chu United Kingdom niin 10.74 billion euros a pe tawh thung.
US te nena khaikhin ralah chuan an contribution chu a beitham a ni mai thei a. Mahse, Baltic state pathum Estonia, Latvia leh Lithuania te chuan gross domestic product anga chhut chuan Ukraine hnenah \anpuina an pe hnem lawrlak thung.
February 2022 a\anga May 2023 chhungin an GDP a\anga Ukraine an puihna chu 1.26 per cent, 1.09 percent, 0.95 pecent te a ni hlawm a, US chuan a GDP a\angin Ukraine puih nan 0.33 percent chauh a hmang thung tiin Kiel institute te chuan an sawi bawk.
Poland leh Slovakia te Ukraine nena ramri nei te pawh Ukraine laka thil phal zual ram pangaah tel vein an GDP a\anga chhutin 0.68 percent leh 0.63 percent an pe a ni.
Poland hian kum 2022 khan Ukraine hnenah tank a pe \euh tawh bawk a, hei mai bakah hian tunlai tank \ha chungchuanga sawi German siam Leopard 2 tank pawh a pek zingah a tel a ni.
Ukraine \henawm ram te chu Ukraine tan an fel vek lo thung. Russian ally Hungary ram tun thlenga Russian President Vladimir Putin la sawisel duh miah lote chuan an GDP a\anga chhutin 0.03 per cent chauh Ukraine puih nan an hmang a.
Slovakia-ah chuan sorkarin Ukraine hnena \anpuina a pek nasat chu khua leh tui tam tak ten an sawisel a. Populist pro-Russian prime minster hlui Robert Fico chuan Bratislava chu Washington duh dan anga kal tia sawiselin kumin September-ah inthlanna an nei dawn bawk.
Ukraine allies zingah Germany leh Poland te chuan refugee an dawng hnem ber a, vawiin thlengin 1.07 million leh 995,000 kawl anga chhut an ni a. Czech Republic chu pathumna niin 346,000 a kawl thung niin UN refugee agency UNHCR te chuan an tarlang.
Per-capita anga chhut thung chuan Montenegro chu thil phal ber ni thungin an ram leilungah raltlan 38,540 lai kawlin chu chu an population anga chhut chuan 6.1 per cent lawih an ni.
Ukrainian refugees te hian Estonia, Moldova leh Czech Republic population 3 per cent lawih hauhin Lithuania, Poland, Bulgaria leh Latvia population 2 per cent vel lawih an hauh bawk a.
Refugee tam hian ram \henkhatah chuan harsatna thlenin Estonia-ah chuan far-right EKRE party te chuan March thlaa legislative election neihah pahnihna nih phahin an auhla ber chu Ukrainian refugees te pawm belh tawh loh a ni.
France chu EU ram zinga Ukrainian refugees pawm tlem ber niin a population a\anga chhutin 0.11 per cent chauh a kawl a ni.